SAFFA har som filosofi med dette kurset å venda seg til dei som ønskjer å arbeida med fordjuping og perspektiv på folkedansen og folkemusikken. Derfor er f. eks. rytmeopplevelse og rotasjonsteknikk sentralt for dansaren – på same måte som rytmetolking og formidling er avgjerande for den som vil bli god å spela til dans. Alt dette knytta opp til ei overordna målsetting om å styrka kunnskapen om den lokale tradisjonen.

Dansekurset

Dansarane fekk ei ny helg med Ami Dregeldi og Ellika Frisell – noe av det beste som kan skaffast på dansefronten. I år hadde dei knytta noe av opplæringa til Orsa-polskaen – og dei bidrog med sin generelle kompetanse i gjennomgang og innlæring av den gjenskapte Akershus-springdansen – også i ulike rytmevariantar. Bygda dansar-prosjektet presenterte sitt arbeid med tolking av kjeldemateriale for Akershus-springaren og Solveig Brekke Hauknes hadde eit par økter med instruksjon av sjølve dansen.

Musikk-kurs: Lokal folkemusikk

Marianne Tomasgård (fele) og Ole Nilssen (trekkspel) hadde kurset med lokal folkemusikk. Det var både musikk til springdansen vår, og det var litt lokale runddansslåttar.

Musikk-kurs: Rørospols versus masurka

Mange har nå blitt kjent med Mari Eggen (fele) og Rolf J. Feragen (trekkspel), som har lært oss å spela god Røros-pols. I år hadde dei med seg to rytmeinstrutørar, slik at det blei noe å henta også for kontrabass, gitar og andre reine rytmeinstrument. Som pedagogisk idé, så gjekk dei nær inn på skilnaden mellom pols og masurka og hjelpa oss å tolka den på ein god måte.

Bygda dansar-prosjektet

satsar fullt på Sørmarka-kurset denne gongen, og dei bidrog sterkt til å gi eit ungdommeleg preg på helga. Dei ga oss ein smakebit på scenisk arbeid på kveldsarrangementet.

Felekurs for barn

Det er Elisabeth Olhans og Agneta Mæland som er faste instruktørar på desse kursa lørdag frå 10.00 til 16.00.

Les meir om kurset på http://www.saffa.no/sormarkakurset.htm